நீட் தேர்வு விவகாரத்தில் இரண்டொரு நாளில் முடிவு’

 ”நீட் தேர்வு விவகாரத்தில், இரண்டொரு நாளில் முடிவு தெரியும்,” என, சுகாதாரத் துறை அமைச்சர் விஜயபாஸ்கர

சேலத்தில், நேற்று அவர் அளித்த பேட்டி: கேரளாவில், வேகமாக பரவிய காய்ச்சல், தமிழகத்தில் தாக்கத்தை ஏற்படுத்தும் முன்பே, முன்னெச்சரிக்கை நடவடிக்கை எடுக்கப்பட்டுள்ளது. சேலம், ஈரோடு உள்ளிட்ட, 12 மாவட்டங்களில் எடுக்கப்பட்டுள்ள நடவடிக்கை குறித்து, நேரில் ஆய்வு செய்ய உள்ளேன். இன்னும், 10 நாட்களில் காய்ச்சலை முழுமையாக கட்டுப்படுத்தி விடுவோம்.
’நீட்’ தேர்வு பிரச்னையில், சட்ட சிக்கல்கள் உள்ளன. கடந்தாண்டு விதிவிலக்கு பெற்றதை போல, நடப்பாண்டும் பெற, ஆலோசிக்கப்பட்டு வருகிறது. இன்னும், இரண்டொரு நாளில் முடிவு தெரியும். இவ்வாறு அவர் கூறினார்.
பின், சேலம் அரசு மருத்துவமனையில், காய்ச்சலுக்காக சிகிச்சை பெறும் நோயாளிகளை சந்தித்து, ஆறுதல் கூறியதோடு, சிகிச்சை குறித்து ஆய்வு நடத்தினார்.
உடன் இருந்த, சுகாதாரத் துறை செயலர் ராதாகிருஷ்ணன் கூறியதாவது:
தமிழகத்தில், இதுவரை -’டெங்கு’ காய்ச்சலுக்கு, 10 பேர் இறந்துள்ளனர்; 15 பேர், காய்ச்சல் உள்ளிட்ட பல்வேறு காரணங்களால் உயிரிழந்துள்ளனர். இதற்கான காரணங்கள் ஆய்வு செய்யப்பட்டு வருகின்றன. டெங்கு தடுப்புக்கு, நவீன முறைகளும் அமல்படுத்தி வருகிறோம்.இவ்வாறு அவர் கூறினார்