மருத்துவ கலந்தாய்வு வரும் 17ம் தேதி தொடக்கம்: ஓரிரு நாளில் தரவரிசை பட்டியல் வெளியாகிறது

சென்னை: நீட் தேர்வில் இருந்து விலக்கு கிடைத்தாலும், கிடைக்காவிட்டாலும் வரும் 17ம் தேதி மருத்துவ கலந்தாய்வை தொடங்குவதில் தமிழக அரசு தீவிரமாக உள்ளது. தமிழகத்தில் ஆண்டு தோறும் ஜூன் மாதம் தொடங்கும் மருத்துவப் படிப்பு மாணவர் சேர்க்கைக்கான கலந்தாய்வு இதுவரை தொடங்காமல் உள்ளது. நீட் தேர்வில் இருந்து தமிழக மானவர்களுக்கு நிரந்தர விலக்கு பெறும் முயற்சி தோல்வி அடைந்துள்ள நிலையில் ஒரு ஆண்டுக்கு மட்டுமாவது விலக்கு அளிக்கும் அவசர சட்டத்திற்கும் மத்திய அரசு இதுவரை ஒப்புதல் அளிக்காமல் உள்ளது. மாநில பாடத்திட்ட மாணவர்களுக்கு 85% உள்ஒதுக்கீடு வழங்கும் தமிழக அரசு அறிவிப்பு ஆணை செல்லாது என உச்சநீதிமன்றமும் போய்விட்டது.